作者：張郅忻出版社：鏡萬象出版日期：2026-01-23語言：繁體中文ISBN/ISSN：9786269289660裝訂方式：平裝頁數：192頁開數：14.8 x 21 x 1 cm開類別：精選書展 > 國內外文學創作
張郅忻 一九八二年生於新竹。國立成功大學臺灣文學系博士、國立清華大學中國文學系碩士。希望透過書寫，尋找生命中往返流動的軌跡。曾於《蘋果日報》撰寫專欄「長大以後」，《人間福報•副刊》專欄「安咕安咕」、「憶曲心聲」，《中央大學客家學院電子報》專欄「客語新文學」。《孩子的我》入選《文訊》「二十一世紀上升星座：一九七〇後臺灣作家作品評選」中二十本散文集之一。曾獲金鼎獎、臺灣文學獎金典獎。 出版作品：小說｜《館中鼠》、《織》、《海市》、《山鏡》及《秀梅》散文｜《我家是聯合國》、《我的肚腹裡有一片海洋》、《孩子的我》、《憶曲心聲》研究專書｜《重寫與對話：臺灣新移民書寫之研究（2004-2015）》
跈等生命流動个印仔尋轉自家同族群个記憶 「覓蜆仔」──在鏡鮮摎汶水之間試探、確認，順等生命个流動，層層疊疊，盡尾集做對自家來講有特別个意義个景色。從阿公个硬殼、阿爸个樂線，到客庄生活个體驗，像係坐一擺定定仔行前个慢車，屋家係起頭，一直講到家族、住家、頭路个書寫；再到做為阿姆个角色，心肝度自家愐想自家个過程，盡尾轉身，再過一擺惦惦仔看等客家。二十七篇散文，是作家張郅忻筆下个生命故事，乜是當代客家个影跡。本旦客庄个樣仔同傳統生活定定仔消逝，「麼个係客？哪位係家？」這兜問題，都到這27垤拼圖裡度，一步步出現本來个樣仔，變做答案。 依循生命流動的印記，覓尋自我與族群的記憶。「覓蜆仔」──在清澈與混濁之間摸索、確認，順著生命之流，漸次堆疊，終而凝聚成屬於自己的風景。從祖父的頑固、父親的樂天，到客庄生活的體驗，像是一趟緩緩前行的慢車，以家為出發點，延伸至家族、居住、職涯的書寫；再至母職角色中的自我觀照，最後回望、反芻，再一次凝視客家。二十七篇散文，是作家張郅忻筆下的生命故事，也是當代客家的縮影。當客庄的樣貌與傳統生活逐漸淡去，「何以為客？何處為家？」這些提問，便在27塊拼圖間，一步步浮現輪廓，凝成答案。
客委會「客語文學作家創作計畫」七位強檔作家聯袂創作文化景觀、建築、族群互動一次呈現尋回家族與族群身體記憶的獨特書寫全書以超過60％的客語文字書寫，並附上詳盡華語註解，讓讀者輕鬆閱讀客家文學。
硬殼阿公面圓圓，目珠大大，人無幾高，無笑容个時節，看起來當惡。在紡織廠做過副廠長个阿公，當有做主管个派頭。大頭家講阿公做事認真，小頭家講阿公做人忒硬殼，講毋通。大頭家講愛分阿公做廠長，大頭家過身以後，小頭家毋認，阿公就退休了。阿公摎爸爸雖然係兩子爺，毋過性仔差當多。兩儕全想愛做頭家，阿公做工人、修機器个師傅，慢慢做到副廠長。爸爸會講話，知變通，摎阿公討錢，想愛自家做頭家，毋使分人管。阿婆逐擺講阿公忒硬殼，講毋聽，正會食恁多虧。《教育部臺灣客語字典》恁樣解釋「硬殼」：「形容個性頑固、執著。例：佢當硬殼，無論人仰仔勸，佢硬死執就愛恁樣做。（他很固執，無論人家怎麼勸，他執意就要這麼做。）」𠊎想著幾年前，庄下伯公廟愛改建，大家推派阿公做主委。「主委」聽起來當會，其實愛做个事情一大堆，大家意見又多，壓力當大。「你阿公就係忒硬殼，喊佢莫做又愛做！」阿婆念。阿公逐日處理伯公廟大大細細个事情，比上班較悿。阿公發病个時節，精神無幾好，識摎𠊎講：「該伯公廟頭前有一隻大石牯，無人愛摎𠊎搬，𠊎拜伯公，拜託伯公保庇𠊎。恁大隻个石牯，𠊎自家搬去別位。」阿公講到出目汁。佢講起來像傳說，毋過，𠊎聽得出來，阿公該時一定當辛苦。「無法度啊！喊你莫做又愛做。硬殼到會死。」阿婆又念。「你細妹人知麼个！」阿公發閼。阿公摎阿婆相伴一生人，有十一年个時間，阿公去越南西貢打拼。越南个薪水較高，阿公想愛在越南開工廠、做頭家。阿公該省這省，摎同事鬥股，準備好愛開紡織廠。無想著，廠房租好了，機器買好了，麼个就準備好了。阿婆也來越南，無一隻月，越南北部个阿兵牯就打來西貢。阿公毋想走，佢打拼恁久，正做得做頭家。毋過，細人全在臺灣，若留下來，可能就看毋著細人了。阿公拿等機票，帶阿婆走轉臺灣。佢係共宿舍个幾個同事裡背最尾走个。